మహావీరుడు!


పుణెలో ఒక సారి కాలేజ్ ఆఫ్ మిలిటరీ ఇంజనియరింగ్ లో ఒక మిత్రుడితో ఒక వారం రోజులున్నాను.అక్కడ సైన్యం లోని వాళ్లతో గడిపినప్పుడు చాలా ఆసక్తికరమైన విషయాలు  చర్చలోకి వచ్చేవి. రాత్రి మెస్ లో కూర్చున్నప్పుడు ఒక యువ కేప్టెన్ మరొకడితో 1971 యుధ్ధం విషయాలు చెబుతున్నాడు. కొద్దిగా దూరంగా కూర్చుని ఉన్న ఒక పెద్దాయన తన గ్లాసు పట్టుకుని వచ్చాడు.
‘యంగ్ మాన్, పెళ్లయిందా?’,అన్నాడు.
అతను లేచాడు.ఈయన కూర్చోమని కూర్చోపెట్టాడు.
‘అమ్మాయిని చూసావా?’
‘నో సర్!’
‘చూడవా?’
‘సర్!’
‘చూడవయ్యా…ఇదిగో చుట్టూ చక్కని అమ్మాయిలున్నారు.’
‘సర్!’
‘చూడకపోతే మహావీరచక్ర రాదు.’
‘సర్!’
‘కర్నల్ చటర్జీ గురించి తెలుసా?’
‘నో సర్!’
వెంటనే కుర్చీ తెప్పించి బాటల్ కూడా అక్కడికే తెప్పించాడు.మరో ఇద్దరు దగ్గరగా వచ్చారు.
‘రాజస్థాన్ బార్డర్లో తన కెప్టెన్ తో టెంటులో కూర్చున్నాడు చటర్జీ…’,ఆయన మొదలెట్టాడు,’…చుట్టూ అమ్మాయిలెవరూ కనిపించటం లేదు.చూడు,అన్నాడు.అ కెప్టెన్ ‘సర్,ఇది ఎడారి.మంచి నీళ్లే లేవు,అన్నాడు.’,గట్టిగా నవ్వి పెగ్గు ఖాళీ చేసాడు…

~~~***~~~

‘ఎంత సేపురా ఆ లాంతరు?’
‘సర్! వెలిగినంతవరకు!’
‘పద!’
‘సర్!ఎక్కడికి సర్?’
‘ప్రశ్నలొద్దు!ఫాలో మి!’
ఇద్దరూ బయటికి నడిచారు.భూమీ ఆకాశం తప్ప ఏమీ లేదు.అంతా చీకటి.కొద్ది దూరం నడిచారు.
‘ఎడారిలో కూడా అమ్మాయిలుంటారు.పద.కష్టపడాలి!’
అలా మరి కాస్త దూరం వెళ్లాక కెప్టెన్ ఆగాడు.
‘సర్! కనీసం ఒక్క ఇల్లు కూడా లేదు.అమ్మాయిలెక్కడుంటారు సర్!’
‘అరె తూ బచ్చ హై యార్!నడు. ఇక్కడ ఈ టైం కి గాజుల చప్పుడుతో ఈ ఇలాకా వాళ్లు వస్తారు.ఈ వేలప్పుడు రాకపోతే ఎప్పుడొస్తారు?’
అలా నడుచుకుంటూ వెళ్లిపోయారు.
‘సర్!’
‘ఏమయింది?’
‘దూరంగా చూడండి.’
‘ఉందా?’
‘అమ్మాయి కాదు సర్!అది పకిస్తనీ టెంట్!’
‘ఛా!’
‘అవును సర్!మనం శత్రువు ప్రదేశంలోకి తెలియకుండా వచ్చేసాం!’
చటర్జీ జాగ్రత్తగా చూసాడు.అంతా దిగిపోయింది.
‘కరెక్ట్!’
‘మెల్లగా వెనక్కి తిరుగుదాం!’
‘నో!ఈ ఎడారిలో  మనకు వచ్చిన దారి తెలియటంకష్టం.ఈ టెంటులోని వాళ్లు ఇట్టే తెలుసుకుంటారు.’
‘సర్!పాక్కుంటూ వెళదాం సర్!’
‘నో!నా వెనుక రా!ఆ పాకేదేదో ఆ టెంటులోకే పాకుదాం.’
‘సర్!’
‘యస్!మనం ఉన్న దిక్కు నుండి ఖచ్చితంగా టైగర్ (ఆ యూనిట్ కి కమండెంట్)అటు తిరిగి కూర్చుని ఉంటాడు.’
‘సర్! గారంటీ ఏమిటి సర్?’
‘బచ్చా! ఇటు తిరిగి ఉంటే ఈ పాటికి ఇద్దరం అందులో ఉండే వాళ్లం!’
‘సర్!’
‘నడు.’
ఇద్దరూ పాక్కుంటూ టెంటు దాకా వెళ్లారు. అనుకున్నట్లే వాడు అటు తిరిగి కూర్చుని ఏవో సందేశాలు వ్రాసుకుంటున్నాడు.ఇద్దరూ ఒకరినికరు సైగల ద్వారా సందేశాలిచ్చుకున్నారు.అంతే! హఠాత్తుగా లోపలికి దూరి గన్ను వాడి తలకు తగిలించారు. వాడు లేచి చేతులు పైకి ఎత్తాడు.
‘భారత దేశ సైన్యం ఈ ప్రాంతాన్ని టేక్ ఓవర్ చేసింది.పద!’,అన్నాడు చటర్జీ!వాడితో పాటు వాడి సైనికులు ఇద్దరిని వెంట పెట్టుకుని బయటకు వచ్చారు.వాళ్ల వెనుక గన్ పెట్టి వీళ్లు వెనుక నడిచారు. వాళ్లు వీరిని వీరి టెంట్ వరకూ గైడ్ చేసారు!
లోపలికి వచ్చి వైర్ లెస్ మెసేజ్ లో ‘టెరిటరీ కాప్చర్డ్!’ అని చెప్పారు!
అంతే. మిగతా యూనిట్ వచ్చేసింది. చటర్జీ హీరో అయిపోయాడు.ఆ అద్భుతమైన కార్యానికి అతనికి మహావీరచక్ర ఇచ్చారు!’

~~~***~~~
ఆయన నవ్వాడు.
‘యంగ్ మాన్,గట్టిగా చూడు.కథలెందుకు? మన బలహీనతలే మన కథలు.అవే మన శక్తి!’
నవ్వుతూ లేచాడు.

~~~***~~~

రచయిత: srikaaram

నేను తెలుగు, హిందీ, ఆంగ్ల భాషలలో కథలు, నవలలు, నాటకాలు రచిస్తాను. ప్రస్తుతం ఆంధ్ర ప్రభ ఆదివారం సంచ్కలో ' ఆరోగ్య భాగ్య చక్రం ' అను శీర్షిక నడుపుతున్నాను. ఇందులో జ్యోతిషం, ఆరోగ్యం కు సంబంధించి వ్యాసములు వస్తున్నాయి. సాక్షి దిన పత్రికకు పురాణం ప్రశ్నోత్తరములు నిర్వహిస్తున్నాను. మరి కొన్ని శీర్షికలు వార పత్రికలలో రాబోవుతున్నవి. సరళమైన హాస్యం, రుచించే సంవాదం నాకు ఇష్టమైనవి.

2 thoughts on “మహావీరుడు!

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

%d bloggers like this: