‘తీవ్రవాదం ‘ పుస్తకం పై వేదాంతం శ్రీపతి శర్మ సమీక్ష


కస్తూరి మురళీకృష్ణ గారు రచించిన ఈ పుస్తకాన్ని పాలపిట్ట బుక్స్ అను ప్రచురణ సంస్థ వారు ప్రచురించారు.2001 మార్చ్ నుంచి ఆంధ్రభూమి సచిత్ర వారపత్రికలో ప్రచురితమైన 36 వ్యాసాల సంకలనం ఈ పుస్తకం. కె.పి. అశోక్ కుమార్ గారు తేదీల వారీగా ఈ వ్యాసాలను కూర్చినట్లు కనిపిస్తున్నది. రచయిత ఆయన ముందు మాటలో అశోక్ కుమార్ గారు విషయం ప్రకారం వర్గీకరించి సమకూర్చారని పేర్కొనటం జరిగినది…

ఈ ముందుమాటలో చివరగా ఆయన ప్రచురించిన…..లకు కృతఙ్ఞతలు అని వ్రాసి యున్నారు. కస్తూరి ప్రచురణలు అని పుస్తకం మీద ఉన్నది. ఒక వేళ పాలపిట్ట బుక్స్ వారు, కస్తూరివారు కలసి చేసారేమో అనిపించింది. ఇటువంటివి లేకుండా చూస్తే పుస్తకాలకు మరింత విలువ పెరుగుతుంది….
~~~***~~~
‘ తీవ్రవాదం ‘ అనే పుస్తకం ఒక్కో వ్యాసానికీ గల అనుబంధమైన సమకాలీనమైన స్థితిగతులతోనూ, వార్తలతోనూ కలిపి చదువ వలసి యుంటుంది. కొన్ని వ్యాసాలలో చక్కని విశ్లేషణ, సమయస్ఫూర్తి, సామాన్యంగా సామాన్య మానవులు అనుకునే విషయాలతో పాటు పలు చోట్ల లోతులలోకి రచయిత వెళ్లటం జరుగుతుంది. తీవ్రవాద సంస్థల పుట్టు పూర్వోత్తరాలు వగైరాలు కావలసిన సమాచారాన్ని మనకు అందిస్తాయి. ఎక్కువ చోట్ల జరిగినది చెప్పారు. ప్రపంచ రాజకీయ వ్యవహార విశ్లేషణలో మరి కాస్త ప్రబలమైన దృక్పథం, సమాలోచన అవసరమైనదని అనిపించింది. ముఖ్యంగా 27.11.2003 నాటి వ్యాసం అందరూ అనుకునే నాయకుల రాజకీయాలే తీవ్రవాదానికి మూలం అని చెప్పినప్పుడు రచయిత మరి కాస్త కృషి చేయలేకపోయారా లేక కేవలం ఎవరైనా తొందర పెట్టారా అనిపిస్తుంది…

ఈ వ్యాసాలలో భాష చాలా సరళంగా, సజావుగా సాగినది. ఒక గట్టు మీద నిలబడి ఇద్దరు ముగ్గురకు త్వర త్వరగా అనుకున్నవన్నీ చెబుతున్నట్లు వ్యాసాలు సాగిపోతాయి. ఆ మాటకొస్తే ఒక రకమైన 100 మీటర్ల పరుగు తీయాలనే ఆదుర్దా మురళీకృష్ణ గారు దాదాపు అన్ని రచనలలోనూ కనబరుస్తారు. అది కొన్ని విషయాలకు సరిపోవటం కూడా జరుగుతుంది!
~~~***~~~
తీవ్రవాదం అనే అంశం గురించి వ్రాస్తున్నప్పుడు పర్స్పెక్టివ్ అనునంది ఎంతో ప్రాముఖ్యతను కనబరుస్తుంది. కారణం ఏమిటంటే నేపథ్యం కాదనలేని నిజం అయినప్పటికీ విశ్లేషణ అనేది సక్రియంగా ఉన్న ప్రక్రియలలోకి తొంగి చూడకుండా చేయతగనిది. దీనికి చరిత్రతో పాటు సమకాలీనమైన ఆర్థిక పరంపరలు-భౌగోళికమైనవి, స్థానికమైనవి అన్వయించి చెప్పవలసి యుంటుంది. వీటికి సాంఘికపరమైన, సాన్స్కృతికపరమైన విషయాలు సమానాంతరంగా సాగి వ్యావహారిక స్పందన వైపు విషయం సజావుగా సాగాలి. ఈ దృక్పథం రచయిత ఎందుకు చేపట్టలేదంటే ఇది వ్యాసాల సంకలనం కానీ తీవ్రవాదం అనే విషయం మీద సమగ్రమైన పుస్తకం లాగా ఆయన ఎంచుకోలేదు.

ముఖ్యంగా కొన్ని గీతలు గీసుకుని ఆ పరిధిలో విషయాన్ని పరిశీలించి ఉంటే మరి కాస్త ఆసక్తికరంగా ఉండేది. పాటుగా సోవియట్ రషియా విభజన తరువాత, అలాగే కోల్డ్ వార్ అంతమైన తరువాత బాల్టిక్ స్టేట్స్ వ్యవహారం, ఇస్లాం యొక్క మరో రూపం ప్రపంచలో ఒక ప్రక్కకు వ్యాపించటం, ఆయుధాల వ్యాపారం ఇలా కాల గమనంలోని మైలు రాళ్లను గట్టిగా నిలిపి ధారావాహికంగా సాగ వలసిన అవసరం తీవ్రవాదం అనే విషయానికి ఉంటుంది.
ఈ అంశానికి ఒక నాటకీయత ఉన్నది. చిటికెలో ఆకట్టుకునే విషయం ఇది. ఆ దిశగా పుస్తకాన్ని ప్లాన్ చేసి ఆంతరంగికమైన మానవీయ స్పందనలు, వాటి వెనుక గల కథలు, నిజాలు అనే అంశాల మీద బర్నార్డ్ మాలముడ్, యెవ్జెనీ బోగాట్ వంటి వారు వ్రాసినవి ఒక పర్యాయం అధ్యయనం చేసి చూస్తే బాగుంటుంది. ఒక పరంపరను ఇతివృత్తంగా ఎంచుకుంటే ఒక మూలస్తంభానికి ఆనుకుని పాఠకుడిని ఒక టార్చ్ లైట్ పట్టుకుని ఫోకస్ చేయిస్తూ తీసుకుని పోవచ్చు…

That is what is ‘perspective’ all about.

ఏది ఎలా ఉన్నా తీవ్రవాదం గురించి తీవ్రంగా ఆలోచించాలనుకునే వారికీ, కొన్ని చరిత్రల గురించి తెలుసుకోవాలనుకునే వారికీ ఈ పుస్తకం బాగా ఉపయోగపడుతుంది.

రచయిత: srikaaram

నేను తెలుగు, హిందీ, ఆంగ్ల భాషలలో కథలు, నవలలు, నాటకాలు రచిస్తాను. ప్రస్తుతం ఆంధ్ర ప్రభ ఆదివారం సంచ్కలో ' ఆరోగ్య భాగ్య చక్రం ' అను శీర్షిక నడుపుతున్నాను. ఇందులో జ్యోతిషం, ఆరోగ్యం కు సంబంధించి వ్యాసములు వస్తున్నాయి. సాక్షి దిన పత్రికకు పురాణం ప్రశ్నోత్తరములు నిర్వహిస్తున్నాను. మరి కొన్ని శీర్షికలు వార పత్రికలలో రాబోవుతున్నవి. సరళమైన హాస్యం, రుచించే సంవాదం నాకు ఇష్టమైనవి.

One thought on “‘తీవ్రవాదం ‘ పుస్తకం పై వేదాంతం శ్రీపతి శర్మ సమీక్ష

  1. “ఈ ముందుమాటలో చివరగా ఆయన ప్రచురించిన…..లకు కృతఙ్ఞతలు అని వ్రాసి యున్నారు. కస్తూరి ప్రచురణలు అని పుస్తకం మీద ఉన్నది. ఒక వేళ పాలపిట్ట బుక్స్ వారు, కస్తూరివారు కలసి చేసారేమో అనిపించింది. ఇటువంటివి లేకుండా చూస్తే పుస్తకాలకు మరింత విలువ పెరుగుతుంది….”
    perhaps, Mr. Murali expected many publishers to publish his book at the same time, but unfortunately very lazy to acknowledge this many times. hi hi hi:).That is why this kind of all in all preface.Anyway, funny observation!

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

%d bloggers like this: