‘ వైల్డ్ స్ట్రా బెరీస్’ చిత్రం మీద వేదాంతం శ్రీపతి శర్మ కబుర్లు


విలువ తెలియని ఒక గొప్ప స్థలాన్ని స్వీడిష్ భాషలో ‘ స్ముల్త్రోన్స్తాలె ‘ అని అంటారు. కాకపోతే మామూలుగా దాని అర్థం వైల్డ్ స్ట్రా బెరీ. నిజానికి సంసారం అనే అడవిలో పడి నలిగి రక రకాల బాధలు పడి ఆవలి తీరానికి వెళ్లిపోయే ఒక అమూల్యమైన వస్తువు ఈ ప్రాణి.వాడి విలువ వాడికే తెలుసు…లోకానికి ఎందుకు?

ఇంగ్ మార్ బర్గ్మాన్ ఆలోచనలు రేకెత్తించే చిత్రం ఇది. 1957 లో రచించి నిర్మించిన చిత్రం.

ఒక డాక్టర్ (ప్రొఫెసర్) ఒక యూనివర్సిటీలో ఒక గౌరవ డిగ్రీని పుచ్చుకునేందుకు బయలుదేరుతాడు. దారిలో రకరకాల అనుభవాలు, ఆత్మ పరిశోధన,విచిత్రమైన కలలు ఇలాంటివి చోటు చేసుకుంటాయి. ఇందులో ఒక బుధ్ధిజీవి యొక్క యాత్ర గణనీయమైనది. సినిమా ఎత్తుగడ గొప్పది. ఒక గౌరవ డిగ్రీ తిసుకునేందుకు వెళుతూ తన గతాన్నీ, తన అలోచనలనీ ఆ ప్రయాణంలో కూడా వచ్చిన పాత్రలను మేళవించుకుని తన చివరి రోజులలో రాబోయే మృత్యువు అనే పతాక సన్నివేశాన్ని ఆవిష్కరిస్తాడు ఆ ప్రొఫెసర్, పాటుగా దర్శకుడు.

నిజమే! ఆలోచనలతో పాటుగా జీవించే ప్రతి వ్యక్తీ జీవితంతో సంతృప్తి చెందడు. వడ్డించిన విస్తరి జీవితం కాదు. జీవితం నుంచి నిర్ధారించుకున్న సత్యాలను సంచీలోకి చేర్చుకుని సంచరించే వారు గొప్ప వారు. వీరు సంచీ తెరచి చూపించేసరికి అది మాసిపోయి ఉంటుంది.అందులో మణి ఉంది అని తెలిసే సరికి అది జారిపోతుంది…

ఇలా ఎందుకు జరుగుతుంది అనే ఒక అద్భుతమైన ప్రశ్నను బర్గ్మాన్ మనకు చివరికి మిగులుస్తాడు.

ఆ పాత్రలో నటించిన విక్టర్ జోస్త్రోం తన భావ ప్రదర్శనతో చెరగని ముద్ర వేశారు. ఇది కష్టమైన పాత్ర. ముందుగా ఒక బుధ్ధిజీవిని నిలబెట్టాలి. తరువాత ఒక మామూలు జీవితానికి కావలసిన మామూలు మనిషి వ్యక్తి రావాలి. సరైన చోట ఇద్దరూ కలవాలి. నటనలో ఒక కామెంటరీ కనపడాలి…

~~~***~~~

ఈ చిత్రం 1958 లో గోల్డెన్ బేర్ అవార్డు తీసుకుంది. అయితే బర్గ్మాన్ చిత్రాలలో ‘ ద సెవెంత్ సీల్ ‘ తో పాటు ఎంతో చర్చలోకి వచ్చిన చిత్రం.

~~~***~~~

కొన్ని విషయాలలో అసలు అనుభవానికీ, ఆలోచనకు, సృజనకు ఉన్న వంతెనను చూపే వారికి చిత్రమైన పరిస్థితులు ఎదురవ్వటం జరుగుతుంది.ఈ సినిమా స్క్రిప్ట్ ను బర్గ్ మాన్ ఆసుపత్రిలో బెడ్ మీద నుండి వ్రాయటం విశేషం.
ఒక కళాకారుడో లేక ఒక ఇంటలెక్చువలో తన జీవితంతో పట్టిన కుశ్తీ నుంచి పాలు విరిగి ‘కళాఖండం ‘తయారు కావటం అనే ఇతివృత్తం గురించి ఆలోచించినప్పుడు బర్గ్ మాన్ గుర్తుకొస్తాడు. కళాఖండాన్ని మనం రుచి చూస్తాం. విరిగిన పాలకు మరో అనుభవం…

~~~***~~~

రచయిత: srikaaram

నేను తెలుగు, హిందీ, ఆంగ్ల భాషలలో కథలు, నవలలు, నాటకాలు రచిస్తాను. ప్రస్తుతం ఆంధ్ర ప్రభ ఆదివారం సంచ్కలో ' ఆరోగ్య భాగ్య చక్రం ' అను శీర్షిక నడుపుతున్నాను. ఇందులో జ్యోతిషం, ఆరోగ్యం కు సంబంధించి వ్యాసములు వస్తున్నాయి. సాక్షి దిన పత్రికకు పురాణం ప్రశ్నోత్తరములు నిర్వహిస్తున్నాను. మరి కొన్ని శీర్షికలు వార పత్రికలలో రాబోవుతున్నవి. సరళమైన హాస్యం, రుచించే సంవాదం నాకు ఇష్టమైనవి.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s

%d bloggers like this: